శ్రీ వేదాద్రీశ సుప్రభాత స్తవమ్.

   శ్రీ వేదాద్రీశ  సుప్రభాత స్తవమ్.                                   

                        

       

                   
                       కౌసల్యా సుప్రజారామ పూర్వాసంధ్యా ప్రవర్తతే
                       ఉత్తిష్ట నరశార్దూల కర్తవ్యం దైవమాహ్నికమ్

                       ఉత్తిష్టోత్తిష్ట గోవింద ఉత్తిష్ట గరుడధ్వజ
                       ఉత్తిష్ట కమలాకాంత త్రైలోక్యం మంగళం కురు 
                        
                      శ్రీ వేదశైల మణిమందిర సుందరాంగి
                      శ్రీ క్షీరవార్థి తనుజే నమతాం శరణ్యే
                      శ్రీ కేశవోరసి కృతావసధే గుణాఢ్యే
                      శ్రీ పద్మవాసిని రమే తవ సుప్రభాతమ్.

                    శ్రీ  ఋష్యశృంగ కృతమంగళ సూక్తి లోలే !

              దీనావన ప్రథిత నిర్మల కీర్తి సాంద్రే !

          మాత :  ప్రసీద ! కమలే ! కమలాయతాక్షి !

          శ్రీ వేదశైల  నిలయే !  తవ సుప్రభాతమ్    !                                                

                      శ్రీ మత్కటాక్ష పరిపాలిత సర్వలోకే !    

                శ్రీ కేశవోరసి కృతావసధే ! కృపాఢ్యే !          

              శ్రీ క్షీరవార్ధి తనుజే ! నమతాం శరణ్యే !

              శ్రీ  పద్మవాసిని ! రమే ! తవ సుప్రభాతమ్.                                

                  

              నారాయణానుగుణతానుగుణ స్వరూపం

              ధర్మావనే  సకలదుర్జన శిక్షణే  చ

             బిభ్రస్యహో సతత మాశ్రిత రక్షణే

              త్వం మాత రబ్జనిలయే !  తవ సుప్రభాతమ్.                 

             క్రూరాసురోపహత దీనజనావనార్ధం

             శ్రీశా దపి స్వయమహో పరిదూయమానా

             వీక్షామృతేన పరిపాలయసి స్వభక్తాన్

             శ్రీ పద్మవాసిని ! రమే ! తవ సుప్రభాతమ్                                

            భాషాసతీ హిమవత స్తనుజా శచీ చ

            దేవాంగనా స్స్వపతిభి స్తవ మందిరస్య

            ద్వారాంగణే కృత కరాంజలిభి స్త్సువంతి

            శ్రీ పద్మవాసిని ! రమే !  తవ సుప్రభాతమ్!               

            వీణాది వాద్య ముఖరాన్ పరిగృహ్య దేవ

             గాంధర్వ గీత మసకృద్ధరి కీర్తియుక్తం

              గాయంతి కిన్నర గణాస్తవ సుప్రభాత

               ముత్తిష్ఠ ! మాత రఖిలేశ్వరి ! పద్మగేహే !                        

                       ప్రహ్లాద ఖేదమపహర్తు ముదార బుధ్యా

               విష్ణో నృసింహ విభవేన కృతావతార !

                కృష్ణానదీ తట విరాజిత రమ్యగేహా!

             శ్రీ వేద శైల నృహరే తవ సుప్రభాతమ్.                                        

                                                     

              శ్రీ మన్నృసింహ ! ఙగదేక విలాస నిత్య

              శ్రీరస్తు నిత్య విభవో స్త్వితి సంవదంతి                   

              దేవా : కృతాంజలిపుటా స్తవ గేహపార్శ్వ

                  శ్రీ వేద శైల నృహరే ! తవ సుప్రభాతమ్.                                         

              సంసార సంతత మహాగ్ని వికార రోగ

              నిర్వాపణం సుకర మేవ ఖలు ప్రభో స్తే

                శారీర రోగదమనం కియ దీశ్వరేశ  !

               శ్రీ వేద శైల నృహరే ! తవ సుప్రభాతమ్ .                        

                                         

               సర్వే జనా స్తవ పదాంబుజ సేవకాస్యు

               రారోగ్య కాముకతయా వినివేశ్య చిత్తం

              జన్మాంతరేషు సముపాసిత పుణ్యజాలా

               శ్ర్శీ వేద శైల నృహరే ! తవ సుప్రభాతమ్  .                                   

                 కృష్ణానదీ విమల శీతల వాతపోత

              స్పర్శా త్త్వమేవ సుఖ సంగత మానస శ్చేత్

               ఆర్తార్తి భంజన విధే కథమద్య సిద్ధి

               శ్ర్శీ వేద శైల నృహరే ! తవ సుప్రభాతమ్ .                                                                        

             త్వన్నేత్ర పద్మయుగళం నమతాం శుభాయ

             సూర్యోదయే వికసతి స్వయమేవ నిత్యం

             ఆర్తస్య మే విలపనం చ నిశమ్య తూర్ణం

              శ్రీ వేద శైల నృహరే! జహి యోగ నిద్రాం.                       

               త్వద్గోపురాగ్ర నివసద్విలసద్విహంగా

              స్సర్వే2రుణోదయవిధింసముదాహరంతి

              కీరశ్చ పంజరగత స్త్సవనం కరోతి

                  శ్రీ వేద శైలనృహరే! తవ సుప్రభాతమ్.                                           

           సంత్యాపగా స్సకలదోషహరా స్తధా2పి

          త్వన్నామరూప కలితా సువిభాతి కృష్ణా

           పాపాపహా భగవతీ తవ సన్నిధానే

                 శ్రీ వేద శైల నృహరే! తవ సుప్రభాతమ్  .                                        

          శ్రీ విష్ణుచిత్త  యతిరాజ ముఖప్రపన్నా

          స్త్వత్పాదసేవన మహర్నిశ మాచరంత :

         ద్వారాంగణే తవ కృతాంజలయ స్త్సువంతి 

                    శ్రీ వేద శైల నృహరే ! తవ సుప్రభాతమ్  .                                   

             క్షీరార్ణవోత్థ భవదీయ ముఖామృతాంశు

              రస్మద్భవాగ్నిపరితాప మపాకరోతు 

             స్వాపాంగవీక్షణ సుధాకిరణై రనల్పై

                      శ్రీ వేద శైల నృహరే ! తవ సుప్రభాతమ్.                                     

           సూర్యోదయో భవతి పద్మ విలాసహేతు:

          తస్మాత్త్వమద్య జహి సుప్తి మహో మురారే !

           త్వత్పాద పద్మయుగ మత్ర కరోతు వాసం

            మన్మానసా2మలజలాంచిత దీర్ఖికాయాం.

                     అర్థికల్పక  త్వదర్చకాశ్చ వై

                     ఖానసా స్సతత మర్ధయంతి తే

                     పాదపంకజ సమర్చనం సదా  

                 వేదశైల శిఖరీశ జాగృహి  !                                                   

జయజయ నారసింహ! కరుణాకర ! జాగృహీ భో

వికసతి నీరజాళి రుదయత్యహిమాంసు రసౌ

అరుణకరాను రాగ భరితం మఘవత్కకుభో

ముఖమనులిప్త కుంకుమ  మివాద్య ముదం తను తే  .          

భవతు సరోజ కాండముఖ నిర్యదళి ప్రకర

ప్రభ మిహ తారకాద్వయ మహో తవ లోచనయో :

సనకసనందనాది ముని పంక్తి రియం పురత :

పఠతి తవ స్తవం నిగమ శైలగ ! జాగృహి ! భో !                     

జలజోప వనాంతరే చల

ద్భ్రమరా ఝంకృతి కీర్తన ఛ్చలా

దరుణోదయ మూచు రాగతా

 నిగమాద్రీశ్వర !  జాగృహి ! ప్రభో!                                                          

భవదీయ గుణోదధౌ దయా

లహరీ స్వాభిముఖాన్ సుధీజనాన్

పరిపావయితుం సముద్యతా

నిగమాద్రీశ్వర !  జాగృహి ! ప్రభో                                

ఉత్థా యేషా జలధితనయా శేషపర్యంక భాగాత్

హస్తాబ్జాభ్యా మమలిన లసద్దర్పణం సంవహంతీ

తిష్ఠంతీ త్వాం మమితకుసుమా రాభిరామా రమా ప్రా

భాత స్తోత్రం పఠతి నిగమాద్రీశ్వరో త్తిష్ఠ దేవ !                  

                

ఉత్తిష్ఠోత్తిష్ఠ నిద్రాం జహీహి నిగమ ధాత్రీ ధరావాస విష్ణో

  శ్రీమన్ ప్రహ్లాదరక్షాకరణ నతజనే దేహి దృష్టిందయార్ధ్రాం

యద్యప్యేషో2న్ధకారం బహిరుపచిత మున్మూలయ న్భానురావి

ర్భూతో నై తేన శక్యం మమహృదయగుహాధ్వాంత జాతం నిహన్తుమ్.  

         అంత స్సంసార వహ్ని: ప్రదహతి బహి రుద్దీపిత శ్చండభాను

        స్తాప ద్వంద్వా2సహిష్ణో ర్మమ భవదభయోద్ధార హస్తాంబుజస్య

         చ్ఛాయా, త్వత్పాదపద్మస్థిత నఖమణి చంద్ర ప్రభా బాహ్యతాప

         మంతస్తాపం చ శాంతం కురుత నిగమ ధాత్రీశ్వరోత్తిష్ఠ దేవ !               

            భవత్పాదారవింద భక్తిభావపూరితం   సుతమ్

            విదారితుం  సముద్యతం మహాసురం విఖండితుమ్

              గృహీత నారకేసరీంద్ర వైభవ ప్రభావ  భ

            క్తరక్షణ ప్రశస్త ! నారసింహ ! పాహిమాం హరే !                               

            త్వదీయపాదపంకజం మదీయమానస హ్రదే

            నివేశ్య భక్తిభావనిర్మలాంబుపూరితే సదా

             మరంద పాన తుందిలాత్మబంభరం కురుష్వ మాం                  

            దయానిధే !  నృకేసరీంద్ర ! పాహిమాం సదా హరే !                             

             విచిత్రవృత్త శోభితం  హరిన్మణి ప్రకాశకమ్

             త్వదీయ జంఘికాయుగం నిరీక్ష్య మన్మనస్సదా

             జహాతు జన్మమార్గ జాంఘికత్వమద్య హే జగత్

             ప్రభో ! దయానిధే ! నృకేసరీంద్ర ! పాహిమాం హరే !                             

                రమామణీ కరద్వయీ సుకల్పవల్లికావృతం

                 శ్రితాభయప్రదానబాహుశాఖయా2భిశోభితం

                స్మితాతసీ సుమప్రభం భవచ్ఛరీర కల్పకమ్

                 భజామి సంతతం నృకేసరీంద్ర ! పాహిమాం హరే !                       

               అమోఘ పుణ్యకారణా చ్ఛుధాంశుమాన్ భవత్పద

                స్థలాశ్రయో2పి తత్ఫలాభి కాంక్షత : ప్రపీడిత :

             కళాక్షయే2హమద్య త్వత్పదాయోశ్రయో2స్మి నిష్పలా

               భిసంధినా భవత్కృపైవ పాతుమాం సదాహరే !                       

                  విహార భోజాసనాది సర్వకార్య సర్వ దే

                  శకాలవృత్తిషు స్వభావ భక్తిభావపూరిత :

                 త్వదీయ పాద  సంశ్రయ:  కదా భవాన్యహం సదా

               దయానిధే!  నృకేసరీంద్ర !  పాహిమాం సదాహరే!!                              

               కదా భవద్గృహ ప్రదక్షిణం ?  భవత్పదార్చనమ్

               భవన్నదీ జలే నిమజ్జనం భవత్సుకీర్తనమ్

              భవత్కృపాచ మే లభేత కింకరస్య సర్వదా

              దయానిధే ! నృకేసరీంద్ర !  పాహిమాం సదా హరే !                             

                 జయతు జయతు లక్ష్మీ నారసింహో దయాళో:

                 జయతు జయతు కృష్ణాతీరగ శ్ర్శీ నృసింహ:

                 జయతు జయతు వీరోత్తంస పుంస్కేసరీంద్ర :

                 జయతు జయతు వేదాద్రీశ్వర శ్ర్శీరమేశ : !                                     

               హే కృష్ణాతటదివ్యగేహ! నత పాపధ్వాంత పద్మాప్త ! ప

            ద్మారామావృతవామభాగ ! శ్రితకల్పక్ష్మాజ! దుష్టగ్రహా

            టోపధ్వంసక ! మోక్షదాయక ! ప్రపన్నానీకరక్షామణే !

            వేదాద్రీశ్వర! నారసింహ కృపయా పాహి ప్రభో శ్రీధరా !                     

            హే లక్ష్మీవర !  భక్తపాలక ! విభో ! హే సర్వరోగాపహా !

           హే పద్మాక్ష! వికుంఠవాస !  పరమవ్యోమాంబుజా2ధీశ ! ప్ర

           హ్లాదామోదక ! హే జగత్త్రితయ రక్షాదక్ష !  హే మాధవ !

           హే వేదాచల వాస !  పాలయ ఇమాన్ త్వద్దాసదాసాన్ హరే !             

                 శ్రీ నారసింహ! కరుణాకర ! దీనబంధో !

                రాజ్యేందిరా సహిత ! రంజిత భక్తలోక !

               ఆర్తార్తి భంజన ! సుధామయ సత్కటాక్ష !

               వేదాద్రివాస ! పరిపాలయ మా మనంత  !                                   

         శ్రీ రాజ్య శ్రీకటాక్ష స్ధిరతర కరుణాసింధు మవ్యాజబంధుం!

         సర్వజ్జ్ఞం సత్యసంధం త్రుటిత దురితదుర్వార సంసారబంథం

         గోవిందం యోగిబృందస్తుత మఖిల జగన్మూలకందం ముకుందం

         వందే వేదాద్రిసింహం విమత గజమహావీరసింహం నృసింహమ్   !!      

               శ్రియ:  కాంతం  శాంతం శ్రితవనవసంతం ప్రతిపదం

               ప్రభాభిర్భాస్వంతం పరమపురుషం భవ్యవపుషం

               అమేయై రామ్నాయై రనుసృత నిజారాధన పధం

               నృసింహం శ్రీ వేదాచల శిఖర సింహం హృది భజే !                               

               స్వతస్సిద్దై శ్శుద్ధై స్సముచిత సమైక ప్రణయినై :

               ప్రకృష్టప్రామాణ్యా త్పరిమళదుదారార్ద మధురై :

               అనంతై రేకాంతై రఖిల నిగమాంతై రభినుతం

               నృసింహం శ్రీ వేదాచల శిఖర సింహం హృది భజే !!!!                           

 

                        వైఖానసాన్వయోద్భూత గోపాల కవినా హరే :

                   కృతా స్తుతి రియం లక్ష్మీనారసింహ : ప్రతిగృహ్యతామ్ !!!!!

                       ఇతి శమ్    ప్లవ సం ఫాల్గుణ శుద్ధ పా  (7-8-62) .

*****************************************************